詭異聲再三襲擊

對未知世界

留一個空白想像。

我住在2層式的penthouse

上層2張床2個衣櫃

下層書枱又係2張

凌晨5點鐘
發惡夢醒左

突然聽到樓下有碎碎腳步聲

聽左大約5分鐘

又突然聽到有人郁手袋拉鏈

頂唔順終於叫醒同房

滿腦子諗起《血色月亮》、xx殺人狂

對知識未汲及的一片黑色未知

只可以引用僅有的電影認知。

然後我同同房一齊靜默聽左一陣細細碎的腳步聲

突然又聽到有人郁到水煲,一下

我地即刻驚到嗌左出黎

之後世界立刻一片寧靜

跟住我地又矇矇矓矓訓左

完全反高潮。

7點到

在矇矓間

我好似聽到同房醒左喺樓下走來走去

點知同房喺佢張床度嗌過黎:喂,我又聽到聲啦

跟住我地又一齊靜默聽左一陣

突然又黎一聲開櫃桶

同房即刻尖叫連人帶被扯甩埋床單衝黎我張床

然後我地2個人呆左

跟住覺得真係唔對路

終於鼓起勇氣一齊落樓

咩都無。

多角度吊詭聲音其實已不是第1次聽到

是次已是再三襲擊

現只望未知的空白

一直留白。